ବ୍ରହ୍ମପୁର ଅଫିସ,୯।୧୦: ଗଞ୍ଜାମ ଜିଲା ବ୍ରହ୍ମପୁର ବଡ଼ବଜାର ପୋଲିସ ମଙ୍ଗଳବାର ରାତିରେ ତିନୋଟି ଜୁଆ ଅଡ୍ଡାରେ ଚଢ଼ାଉ କରି ପୃଥକ୍ ଭାବେ ୧୦ ଜୁଆଡ଼ିଙ୍କୁ ଗିରଫ କରିଛି । ସେମାନଙ୍କଠାରୁ ନଗଦ ୨୨ ହଜାର ୯ ଶହ ୮୦ ଟଙ୍କା ଓ ୫ଟି ମୋବାଇଲ ଫୋନ୍ ଜବତ ହୋଇଛି।
ଜଗବନ୍ଧୁ ସାହିରୁ ୪ ଜୁଆଡ଼ିଙ୍କୁ ଗିରଫ କରିଥିବା ବେଳେ ୧୨ ହଜାର ଟଙ୍କା ଜବତ କରିଛି। ମାମଲା ନମ୍ବର ୧୬୭/୧୯ରେ ସେମାନଙ୍କୁ କୋର୍ଟଚାଲାଣ କରାଯାଇଛି।
ବୈଦ୍ୟନାଥପୁର ଥାନା ପୋଲିସ ବାବାଜିତୋଟା ସାହିରୁ ୨ ଜୁଆଡ଼ିଙ୍କୁ ଗିରଫ କରିବା ସହ ୬ ହଜାର ୫ଶହ ୮୦ଟଙ୍କା ଓ ଗୋଟିଏ ମୋବାଇଲ ଫୋନ୍ ଜବତ କରିଛି । ମାମଲା ନମ୍ବର ୨୧୭/୧୯ ରେ ସେମାନଙ୍କୁ କୋର୍ଟ ଚାଲାଣ କରାଯାଇଛି।
ସେହିପରି ଇନ୍ଦିରାନଗର ନିକଟ ଏକ ଟେଲିଫୋନ ଟାଓ୍ବାର ନିକଟରେ ଚାଲିଥିବା ଜୁଆ ଆଡ୍ଡା ଉପରେ ପୋଲିସ ଚଢ଼ାଉ କରି ୪ ଜୁଆଡ଼ିଙ୍କୁ କାବୁ କରିବା ସହ ସେମାନଙ୍କ ନିକଟରୁ ୪ ହଜାର ୪ ଶହ ଟଙ୍କା ଓ ୪ ଟି ମୋବାଇଲ ଜବତ କରିଛି। ମାମଲା ନମ୍ବର ୨୧୮/୧୯ରେ ଜୁଆଡ଼ିମାନଙ୍କୁ ବୁଧବାର କୋର୍ଟଚାଲାଣ କରାଯାଇଛି ବୋଲି ପୋଲିସ ସୂଚନା ଦେଇଛି।
