ଶ୍ରୀନଗର, ୧୨।୩: ଜମ୍ମୁ-କଶ୍ମୀରର କୁପଓ୍ବାଡ଼ାରୁ ୩ ହିଜବୁଲ ମୁଜାହିଦ୍ଦିନ ଆତଙ୍କବାଦୀଙ୍କୁ ଗିରଫ କରାଯାଇଛି। ରାଜ୍ୟ ପୋଲିସ ଏବଂ ୫ ବିହାର ରେଜିମେଣ୍ଟ ପକ୍ଷରୁ ସୂଚନା ପାଇ ସ୍ଥାନୀୟ କ୍ରାଲ୍ପୋରା ଅଞ୍ଚଳରେ ଅତର୍କିତ ଚଢାଉ କରାଯାଇଥିଲା। ଗିରଫ ଆତଙ୍କବାଦୀ ହିଜବୁଲ କମାଣ୍ଡର ବାଶିର ପୀର ଓରଫ ଇମ୍ତିୟାଜ୍ ଆଲାମ୍ର ସହଯୋଗୀ ବୋଲି ଜଣାପଡ଼ିଛି। ଗତ ୮ ମାସ ହେବ ଏମାନେ ସକ୍ରିୟ ରହି ବିଭିନ୍ନ ଆତଙ୍କବାଦୀ କାର୍ଯ୍ୟରେ ସମ୍ପୃକ୍ତ ଥିଲେ ବୋଲି ପୋଲିସ କହିଛି। କୁପଓ୍ବାଡ଼ାରେ ଏମାନେ ଯୁବକମାନଙ୍କୁ ଆତଙ୍କବାଦୀ ଭାବେ ନିଯୁକ୍ତି ଦେଇଆସୁଥିଲେ। ସେମାନଙ୍କଠାରୁ ବିପୁଳ ପରିମାଣର ଅସ୍ତ୍ରଶସ୍ତ୍ର ଜବତ କରାଯାଇଥିବା ପ୍ରକାଶ।
