ଚେନ୍ନାଇ,୩୦।୯: ଏକବିଂଶ ଶତାବ୍ଦୀର ମୂଳଦୁଆ ୩ଟି ଗୁରୁତ୍ୱପୂର୍ଣ୍ଣ ସ୍ତମ୍ଭ ଉପରେ ରହିଛି। ସେଗୁଡ଼ିକ ହେଉଛି ନବୀକରଣ, ଦଳଗତକାର୍ଯ୍ୟ ଏବଂ ଜ୍ଞାନକୌଶଳ। ଏସବୁର ବିକାଶରେ ଶତାବ୍ଦୀର ଧାର୍ଯ୍ୟ ଲକ୍ଷ୍ୟ ପୂରଣ ହୋଇପାରିବ। ଏସବୁ ପରସ୍ପରର ପରିପୂରକ। ମାଡ୍ରାସ୍ ଆଇଆଇଟିର ୬୫ତମ ଦୀକ୍ଷାନ୍ତ ସମାରୋହରେ ଯୋଗଦେଇ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଶିକ୍ଷାର୍ଥୀଙ୍କୁ ଏଭଳି କହିଛନ୍ତି। ପାଠ୍ୟକ୍ରମର ଶିକ୍ଷା ଏବେ ଶେଷ ହେଲେ ମଧ୍ୟ ପ୍ରତିଟି କ୍ଷେତ୍ରରେ ନୂଆ ନୂଆ କଥା ଶିଖିବାର ଅବସର ମିଳିବ। ଶିକ୍ଷା ଏବଂ ଶିଖିବା ପ୍ରକ୍ରିୟା କେବେ ମଧ୍ୟ ସମାପ୍ତ ହୋଇ ନ ଥାଏ। ଏହା ଜୀବନ ସାରା ଜାରି ରହିଥାଏ ବୋଲି ପ୍ରଧାନମନ୍ତ୍ରୀ ଶିକ୍ଷାର୍ଥୀଙ୍କୁ ପରାମର୍ଶ ଦେଇଛନ୍ତି।
