ନୂଆଦିଲ୍ଲୀ,୨୦।୫- କୋଭିଡ୍-୧୯ ମହାମାରୀ ସମୟରେ ସରକାର ଯାନବାହନ ଚଳାଇବା ଉପରେ ରୋକ ଲଗାଇଥିଲେ। ଫଳରେ କ୍ୟାବ୍ ସେବା ପ୍ରଦାନକାରୀ କମ୍ପାନୀ ଉବେର ବିଭିନ୍ନ ସମସ୍ୟା ଓ ବାଣିଜି୍ୟକ କ୍ଷତି ସହିଛି। ଏହି କାରଣରୁ କମ୍ପାନୀ ପ୍ରାୟତଃ ୩୭ଶହ କର୍ମଚାରୀଙ୍କୁ ଛଟେଇ କରିଥିବା ଜଣାପଡିଛି। ଏହା ସହ କମ୍ପାନୀ ୪୫ଜଣ ବରିଷ୍ଠ ଅଧିକାରୀଙ୍କୁ ଛଟେଇ କରିଛି। ଗତ କିଛି ୩ ମାସ ହେଲା ଯାତ୍ରୀ ସେବା ବନ୍ଦ ଥିବାରୁ କାରବାର କ୍ଷତିର ସାମ୍ନା କରିଥିବା କମ୍ପାନୀ କହିଛି। କମ୍ପାନୀର ବାଣିଜି୍ୟକ ବ୍ୟବସ୍ଥାରେ ବ୍ୟାପକ ଅସ୍ଥିରତା ଦେଖାଦେଇଛି। ଫଳରେ ଗାଡି ଚଳାଚଳ ଉପରେ ଏକ ପ୍ରକାର ରୋକ ଲାଗିଥିଲା। ଏହି ସଂକ୍ରମଣର ଭୟାବହତା ପାଇଁ ଗ୍ରାହକମାନେ ମଧ୍ୟ ପୂର୍ବପରି ଆଉ ଗାଡି ବୁକିଂ କରୁନାହାନ୍ତି। ମହାମାରୀ ସମୟରେ କମ୍ପାନୀ ବ୍ୟାପକ କ୍ଷତିରେ ଚାଲୁଥିବାରୁ ଉକ୍ତ କର୍ମଚାରୀଙ୍କୁ ବେତନ ଠାରୁ ଆରମ୍ଭ କରି ଅନ୍ୟାନ୍ୟ ସୁବିଧା ଯୋଗାଇବା ସମ୍ଭବ ନୁହେଁ ବୋଲି କମ୍ପାନୀର ସିଇଓ ଦାର ସୋରାସିଷ ସୂଚନା ଦେଇଛନ୍ତି। ସେ ଆହୁରି କହିଛନ୍ତି ଯେ, ଆସନ୍ତା ୬ମାସ ପର୍ଯ୍ୟନ୍ତ କମ୍ପାନୀର ସ୍ଥିରତା ନଆସିବା ପର୍ଯ୍ୟନ୍ତ ବେତନ ପ୍ରଦାନ ଓ ଅନ୍ୟାନ୍ୟ ସୁବିଧା ଆଦି ବିଷୟରେ ଖୁବଶୀଘ୍ର ଆବଶ୍ୟକ ପଦକ୍ଷେପ ଗ୍ରହଣ କରାଯିବ ବୋଲି କମ୍ପାନୀ ପକ୍ଷରୁ କର୍ମଚାରୀମାନଙ୍କୁ ମେଲ ମାଧ୍ୟମରେ ସୂଚାଇ ଦିଆଯାଇଛି ।
