ଡାଇବେଟିସ୍ ବା ମଧୁମେହ ଏକ ନିରବଘାତି ରୋଗ ବୋଲି କୁହାଯାଇଥାଏ। କାରଣ ସମସ୍ତଙ୍କର ଧାରଣା ରହିଛି ଯେ ୫୦ବର୍ଷ ପାଖାପାଖି ହେଲେ ଡାଇବେଟିସର ଲକ୍ଷଣ ପ୍ରକାଶ ପାଇଥାଏ। କିନ୍ତୁ ଏବେ କାନାଡାର ଏକ ବିଶେଷଜ୍ଞ ଦଳ କହିଛନ୍ତି ମାତ୍ର ୮ ବର୍ଷ ବୟସର ଶିଶୁ ରକ୍ତକୁ ପରୀକ୍ଷା କଲେ ଟାଇପ୍-୨ ଡାଇବେଟିସ୍ ସମ୍ପର୍କରେ ସୂଚନା ମିଳିପାରିବ। ବିଶେଷଜ୍ଞଙ୍କ କହିବା କଥା ହେଲା ଡାଇବେଟିସ୍ର ଲକ୍ଷଣ ଧୀରେ ଧୀରେ ଆସିଥାଏ ଓ ବୟସ ବଢିବା ପରେ ଏହା ଅଧିକ ମାତ୍ରାରେ ପ୍ରକାଶ ପାଇଥାଏ। ନିକଟରେ ପ୍ରାୟ ୪ ହଜାର ଭିନ୍ନ ଭିନ୍ନ ବୟସର ବ୍ୟକ୍ତିଙ୍କ ରକ୍ତ ପରୀକ୍ଷା କରାଯାଇଥିଲା। ଏଥିରୁ ମିଳିଥିବା ତଥ୍ୟ ଅନୁଯାୟୀ ଏମାନଙ୍କ ରକ୍ତରେ କିଛି ସୁକ୍ଷ୍ମ ଅଣୁ ରହିଛି। ଯାହାକୁ ପରୀକ୍ଷା କଲେ ଟାଇପ୍-୨ ଡାଇବେଟିସର ସୂଚନା ମିଳିପାରୁଛି। ତେଣୁ ବିଶେଷଜ୍ଞମାନେ ମତ ରଖିଛନ୍ତି କମ୍ ବୟସରୁ ଡାଇବେଟିସର ନିରୁପଣ କରି ଯଦି ଚିକିତ୍ସା କରାଯାଏ ତେବେ ଭବିଷ୍ୟତରେ ଏହା ପ୍ରାଣଘାତି ହୋଇ ନ ଥାଏ।
