ମାଧପୁର,୨୪।୧(ଡି.ଏନ.ଏ.): ଅନୁଗୋଳ ଜିଲା ଆଠମଲ୍ଲିକ ଅବକାରୀ ବିଭାଗ ପକ୍ଷରୁ ଶୁକ୍ରବାର ଠାକୁରଗଡ଼ ଥାନା ଅଞ୍ଚଳର ବିଭିନ୍ନ ଗ୍ରାମରେ ଚଢ଼ାଉ କରାଯାଇଛି। ଚଢ଼ାଉ ସମୟରେ ୬୨ଲିଟର ଦେଶୀମଦ ଜବତ କରିବାସହ ଏଥିରେ ସମ୍ପୃକ୍ତ ୫ଜଣଙ୍କୁ ପୋଲିସ ଗିରଫ କରିଛି l ଗୋପପୁର ଗ୍ରାମର ସୁଲୋଚନା ପଧାନଙ୍କଠାରୁ ୨୦ଲିଟର, ଓକାଳି ପଧାନଙ୍କଠାରୁ ୫ଲିଟର, କଳଚିକଟା ଗ୍ରାମର ସନାତନ ପଧାନଙ୍କଠାରୁ ୧୫ଲିଟର, ପିତାବଳିବାହାଲ ଗ୍ରାମର କର୍ଣ୍ଣ ଦେହୁରୀଙ୍କଠାରୁ ୧୨ଲିଟର, କୁତୁଲସିଙ୍ଗା ଗ୍ରାମର ପ୍ରଦୀପ ଭୋଇଙ୍କଠାରୁ ୧୦ଲିଟର ଦେଶୀ ମହୁଲି ରନ୍ଧାମଦ ଜବତ ହୋଇଛି l ଏଥିରେ ସମ୍ପୃକ୍ତ ୫ଜଣଙ୍କୁ ଅବକାରୀ ବିଭାଗ ଗିରଫ କରି କୋର୍ଟଚାଲାଣ କରିଛି l ଅବକାରୀ ନିରୀକ୍ଷକ ସୁମତି ତ୍ରିପାଠୀଙ୍କ ପ୍ରତ୍ୟକ୍ଷ ତତ୍ତ୍ୱାବଧାନରେ ଉପ ନିରୀକ୍ଷକ ପ୍ରଫୁଲ୍ଲ କୁମାର ପତି, ସହକାରୀ ଉପ ନିରୀକ୍ଷକ ଅରୁଣ କୁମାର ଚାଉଳିଆ ପ୍ରମୁଖ ଚଢ଼ାଉରେ ଉପସ୍ଥିତ ଥିଲେ।
